Bukas na ngayon ang CCP Film, Broadcast and New Media para sa pagsumite ng entries para sa Ika-33 Gawad CCP Para sa Alternatibong Pelikula at Video. Ang deadline para sa pagsumite ay sa o bago mag Abril 19, 2021, at hindi lalampas ng alas-12:00 ng hatinggabi.
Bukas sa lahat ng Filipino filmmakers (nakabase sa Pilipinas at ibang bansa), Ang Gawad Alternatibo ay tumatanggap ng entries na strictly independent na mga obra at hindi pinrodyus para sa commercial screening. Ang school-based works (tulad ng theses) ay tinatanggap. Ang mga entry ay dapat na nakumpleto nang hindi mas maaga sa Marso 14, 2020, at hindi dapat lumagpas sa 45 minuto sa oras ng pagtakbo.
Ang mga interesadong partisipante ay dapat makumpleto ang requirements na ito: a) duly accomplished entry form; b) film format in AVI, MP4, o MKV only (ang film size ay hindi dapat lalampas ng 1GB), na may filename na format – FilmTitle_FilmDirector; c) karagdagang film information gaya ng synopsis (hindi lalampas ng mahigit sa 200 na salita), genre, running time, rating, full production credits ay dapat naka-Word o PDF format; d) Dalawang larawan mula sa film entry na naka-jpeg format, at ang film entry poster (kung mayroon) ay dapat naka-jpeg format.
Ang lahat ng entries ay dapat maisumite online sa http://bit.ly/GawadAlternatibo33Form. Punuin ang online entry form at i-upload ang film at karagdagang. Para sa buong mechanics, magsadya sa http://bit.ly/GawadAlternatibo33Mechanics
Ang mga interesado partisipante ay maaaring magsumite ng isang maximum na tatlong entries sa kada kategorya, pero ang entry maaari lamang isumite sa isang kategorya. Ang mga kategorya ay kinabibilangan ng Short Feature/Narrative, Experimental, Documentary, at Animation.
Ang finalists ay sasalain sa 2021 Cinemalaya Philippine Independent Film Festival, kung saan bahagi rito ang Gawad Alternatibo.
Ang mga premyo para sa magwawawaging entries sa iba’t ibang kategorya ay: 1st PRIZE – P25,000; 2nd PRIZE – P15,000; 3rd PRIZE – P10,000; at Honorable mention – P5,000. Magkakaroon din ng special citations para sa Best Regional Entry at Best Entry For/On/By Children.
Para sa iba pang detalye, tumawag sa CCP Film, Broadcast and New Media Division sa 8832-1125 local 1705 o magsadya sa www.culturalcenter.gov.ph and www.gawadalternatibo.com. Sundan ang official CCP at Gawad Alternatibo Facebook pages para sa updates.
125
